"Қазақ әйелі: кеше,ертең,бүгін"
06.03 күні дебат үйірмесінің жетекшісі Данышбаева Д.Б “Қазақ әйелі: кеше, ертең, бүгін” тақырыбында пікірталас жүргізді. Пікірталасқа 8,9 сынып білім алушылары қатысты.
"Қызға қырық үйден тыю", "Қыздың жолы жіңішке" деп қыз баланың тәрбиесіне қатал қараған. "Алтын басты әйелден бақыр басты еркек артық", "Әйел бастаған көш оңбайды" дейтіні тағы бар. Жалпы, қазақ халқының әйелге деген көзқарасы қандай болған?Бүгінгі қазақ әйелінің қоғамдағы рөлі қандай? Деген сұрақтар ортаға салынып оқушылар арасында талқыланды.
Қорыта келе үйірме жетекшісі Д.Данышбаева Ата-бабамызды сан ғасырлар бойы ізгілікке тәрбиелеген ұлттық дәстүріміз келер ұрпақ үшін де мың жылға жетерлік рухани азық болмақ. Алайда, жоғалтарымыз көбеймесін десек, «Ұлтыңды тәрбиелеймін десең, қызыңды тәрбиеле» деген ұлттық ұстанымды берік ұстайық деген сөздермен аяқтады.
