« Салауатты өмір салтын қалыптастырудың жолдары»

                                                Анықтама  

  Меркі аудандық білім бөлімінің 04.04.2025 жылғы №558  хатын негізге ала отырып,  ағымдағы  жылдың 10.04.2025  сәуір күні білім алушылардың психологиялық жағдайын нығайтуға бағытталған нашақорлық және мінез-құлық ауруларының алдын алу көктемгі айлығы аясында « Салауатты өмір салтын қалыптастырудың жолдары» тақырыбында   8-9-10-11 сынып ұл – қыздарымен дәріс өткізілді
 Форма: әңгіме, сұхбат 
 Күні: 10.04.2025 ж
 Жиналыста дәріс оқығандар:
 1. Салауатты өмір салты бөлімінің психологі- Секирбекова Д. 

2. Салауатты өмір салты бөлімінің медбикесі – Джанабатырова З. 
 2. № 8 ЖОББМ мектеп медбикесі- Бердибаева М.

     Азаматтың дені сау болуы салауатты өмір сүруді қалыптастырумен тікелей байланысты, яғни салауатты өмір салтын қалыптастыру – денсаулық кепілі.

Салауатты өмір салты - ең әуелі денсаулықты сақтауға және нығайтуға бағытталған сауықтыру жолындағы белсенді іс-әрекет.

Адамның салауатты өмір сүру салты өздігінен қалыптаспайды. Салауатты өмір сүру салты өмір сүруде мақсатты түрде қалыптасады. Өкінішке орай, ХХІ ғасырға аузын арандай ашқан аждаһадай сұм ажалдың төресі «нашақорлық», «ішімдік», «темекі» бірге аяқ басты.Қаншама бейкүнә адамдар осылардың құрығына түсіп, дүние салып, талай ауруларға ұшырады. Сондықтан да,елімізде салауатты өмір сүруге дабыл қағып,әр-түрлі шаралар ұйымдастырылып жатыр. Тақырыпты жан-жақты түсіндірумен қатар, сұрақтар таратылып, пікірлерін талқылады.  Денсаулық және салауатты өмір сүру дегеніміз:

-әлеуметтік тұрмысты жақсарту;

-бос уақытты дұрыс пайдалану:

-білімін көтеру:

-денсаулығын нығайту:

-тазалықты сақтау;

-зиянды әрекеттерден аулақ болу;

-сапалы тамақтану.

Қазіргі кезде, жасөспірімдерге жүргізілген эпидемиологиялық тексерулер шылым шегу, шарап ішу, анаша пайдалану жастардың арасында кеңірек таралып бара жатқанын көрсетеді. Қорыта айтқанда, өскелең ұрпақтың денесін шынықтыру маңызы қазіргі заманда үлкен əлеуметтік мəнге ие болды, себебі егеменді Қазақстанның болашағын жалғастыратын қазіргі жас ұрпақтың дені сау, білімді, мəдениетті болып өсуімен тəрбиенің дұрыс жолға қоюлуына байланысты. 

Яғни адам бақытты болу үшін оған денсаулық керек, ал денсаулықтың кепілі салауаттылық. «Тіршіліктің негізі – салауатты болашақ».